fbpx

دجاج سويت آند ساور 😎

المقادير

  • نصف كيلو صدور دجاج مخلية هنقطعها مكعبات سميكة
  • بصلة مكعبات كبيرة
  • فلفل الوان مكعبات كبيرة
  • مكعبات جزر
  • معلقة صغيرة ثوم مفروم
  • ٢معلقة زيت زيتون
  • ٢ معلقة صويا صوص (استخدمت صويا صوص معتدلة مش حلوة عشان ميبقاش فيها سكر كتير )
  • ملعقة عسل نحل طبيعى
  • ٣ ملاعق كبيرة خل
  • معلقتين دقيق شوفان أو دقيق عادى
  • معلقة صغيرة نشا هندوبها فى نص كوب ماية
  • ملح وفلفل وبابريكا

الطريقة 👩‍🍳

هنضيف رشة ملح وفلفل وبابريكا على الفراخ ونقلبها كويس
هنغلف قطع الفراخ فى الدقيق
هنحط معلقة الزيت فى طاسة على النار ولما تبتدى تسخن ننزل قطع الفراخ ونقلبها لحد ما يبقى لونها دهبى
فى طاسة تانية هنحط معلقة زيت زيتون وننزل بمكعبات البصل والفلفل الالوان والجزر ونقلب ٥ دقايق
نضيف الصويا صوص ومعلقة العسل والخل ونقلب دقيقة
نضيف النشا المذاب في ماية
نضيف الثوم المفروم ونقلب الخليط لحد ما يتقل شوية نضيف قطع الدجاج ونهدى النار لمدة ١٠ دقايق
قدمت معاها نودلز مع خضار 🍜🌶🥕
المقادير /
فلفل الوان مقطع شرائح طويلة رفيعة
جزر شرائح رفيعة جدا عشان تستوى بسرعة
٢ معلقة صويا صوص
معلقة زيت زيتون
معلقة صغيرة نشا مذابة فى ربع كوب ماية
٤٠٠ جرام نودلز مسلوقة (انا استخدمت مكرونة بالشوفان )
ممكن تستخدمو اى نوع مكرونة بتحبوها
الطريقة /👩‍🍳
هنشوح الخضار لمدة ٥ دقايق فى معلقة زيت الزيتون
نضيف الصويا صوص ونقلب لمدة دقيقة
نضيف النشا ونقلب دقيقتين
واخر خطوة نضيف النودلز أو المكرونة ونقلب دقيقتين
للتزيين استخدمت رشة سمسم 😉
جربوها وقولولى رأيكو😉
#eat_clean #healthy_lifestyle #healthyfood #motivation #healthy #healthyfoodshare #egypt #ksa #khobar #stayhome #staysafe #eathealthy #healthyrecipes

Go top